نيويورك، اين تذهب وما الذي يمكن ان تفعله خلال زيارتك للمدينة

احنا قضنا اسبوع في نيو يورك. سكنا في أوضةAirbnb في حي دومينيكي
يقع على الخط الأحمر من المترو ( محطة 207) شمال الخط. المنطقة عجبتنا أوي. فيها مطاعم كتير والأكل رخيص

الأمكان اللى زرناها مجانا
Staten Island
“ستاتن ايلاند” تتراح بالفيري (أخر محطة في الخط الأحمر جنوبآ). الفيري ببلاش و ممكن تشوف تمثال الحرية منه. إذا عندك زوم و كامرة كويسة، ممكن تأخذ صور حلوة من الفيري. إذا عايز تروح الجزيرة اللى فيها التمثال، لازم تركب فيري تانية وتدفع $ 17

Time Square
“تايم سكوير” فيها دائمآ نشاطات كتير. المكان حلو أوي بالليل.

Ground Zero
بالنسبة لي”جراوند زيرو” من الأماكن التي لازم تتزار لما حد يروح نيو يورك. الدخول ببلاش بس مستحب إنك تتبرع.

Brooklyn Bridge
“كوبري بروكلين” مكان تاني ببلاش.

China Town
الحي الصيني، زي أي حي صيني في أي مدينة تانية!

The Empire State Building
احنا ما طلعناش”الامباير ستايت بيلدينج”، صورناه من تحت. إذا عايز تطلعه بتدفع ٢٥$ على الأقل.

في نيو يورك، مجرد إنك تمشي في الشوارع، تركب الاوتوبيسات، تريح في الجناين هي حاجة ممتعة. اسبوع في المدينة مش كفاية ابدآ!

الأكل و الشرب
من ارخص الأكلات هي اكلات العربيات “هوت دوج” في وسط المدينة. احيانآ تقدر تأكل وجبة كاملة (رز و لحمة و خدار) بأقل من. ٨ دولار

اللحمة بتكون حلال لكن مش دئمآ.

McDonalds بالنسبة للحمّام، للوايفاي، والمشاريب، احسن حاجة هي
في منه كتير و هو أرخص من غيره.

عادةً، احنا كنا بنفطر في أحد المطاعم الدومينيكي في الحي اللى كنا ساكنين فيه و كنا بنتعشى في نفس المنطقة لأنها ارخص بكتير.

فطار دومينيكي: بيض و “بلانتين” ( نوع من النباتات طعمها زي البطاطس) و جبنا مقلية و افوكاتو.
الكل ٤$!